Најпознатите шопинг улици во светот

Најпознатите и најскапите шопинг улици во светот се преполни со луксузни парчиња облека и популарни модни марки кои се подготвени да платат многу пари, само за да се најдат на една од овие престижни популарни модни улици.

На самиот врв се наоѓаат:

Петта авенија, Њујорк

Цената за изнајмување на еден метар квадратен од овие продавници изнесува околу 13.000 евра на годишно ниво, со што Петата авенија е уверливо најскапата шопинг улица во светот. Најпопуларниот дел се наоѓа помеѓу 34. И 59. улица, а покрај неверојатно гламурозните продавници вниманието го одвлекува највисоката Empire State Building" исто како и"Rockefeller Center".

Causeway Bay, Хонг Конг

На кинески, Tung Lo Wan е втората најскапа улица и за изнајмување на продавница на неа ќе треба да платите само неколку стотки евра помалку, за разлика од Петата авенија. Пред многу години ова место било опкружено со вода и претставувало само малечка обала, но со тек на времето и со масовната урбанизација оваа улица сега важи за една од најлуксузните.

Avenue des Champs Elysées, Париз

Годишниот наем на една од продавниците на оваа улица изнесува околу 7.300 евра. Оваа улица во Париз, освен по модата и шопингот, доста позната е и по културолошкото значење. Големо внимание привлекуваат продавниците на Луи Витон и Арт Деко, исто како и многубројните кафетерии и ресторани.

Via Montenapoleone, Милано

Годишниот наем на продавница во Милано која се наоѓа на оваа улица изнесува околу 6.500 евра. На Via Montenapoleone се наоѓаат луксузните Армани, Версаче, Мошино и многу други чии цени се неверојатно високи, меѓутоа вреди да ги погледнете барем од надвор.

Ginza, Токио

Исто како и во Милано, на оваа улица во Токио се наоѓаат Луи Витон, Гучи, Шанел и многу други луксузни брендови. Ginza за време на викендот е преполна, а посебно е привлечна за туристите во вечерните часови кога се палат неонските светла и светлосните реклами.