Најмагичниот божиќен пазар се наоѓа во Романија - на 6 часа возење од Скопје (фото)

Ако сте љубител на зимски патувања со автомобил и новогодишна магија, тогаш ја имаме дестинацијата за вас.

На околу 6 часа возење со автомобил од Скопје, ќе пристигнете во Романија, во градот кој мора да се најде на вашата листа за празнични патувања. 

Станува збор за Крајова, кој благодарение на искусни патувачи, го доби второто место на листата со најубави божиќни пазари за 2025, според European Best Destinations.

фото: Фејсбук

Ова е најголемиот божиќен пазар во Европа, кој се протега на 280.000 метри квадратни, а освен новогодишни декорации и огромни елки, има многу празнични активности и забавен парк,  летечка санка на Дедо Мраз, лизгалиште, панорамско тркало, бајковити куќички и уште многу други атракции украсени со илјадници светилки.  

фото: Фејсбук

Отворен е од 15-ти ноември 2024 до 5-ти јануари 2025, а со оглед на тоа што не ви се потребни авионски карти, имате уште време да се одлучите за ова патување кое ќе ви го подигне божиќниот дух на највисоко ниво.

фото: Фејсбук

Погледнете ја новогодишната магија во Крајова, низ објективот на инстаграмџиите:

M. М. | Црнобело