Манастири во Македонија кои вреди да ги посетите - тука верниците го наоѓаат својот духовен мир
Свето Преображение (Зрзе)
Манастирот е сместен на јужните падини на планината Даутица, во близина на селото Зрзе.
Бил изграден во XIV век од страна на монахот Герман.
Лесновски манастир (Пробиштип)
Лесновскиот манастир е посветен на Свети Гаврил Лесновски и е сместен во с. Лесново, Пробиштипско.
Тој е духовно светилиште и е еден од најчесто посетуваните манастири во Македонија.
Не само што со своето постоење раскажува историја, овој манастир е познат и по својата моќ да лекува болни лица.
Манастир Свети Архангел Михаил (Берово)
Уживајќи во планинското сонце барајќи го своето духовно светилиште, упатете се кон женскиот манастир Свети Архангел Михаил во Берово каде речиси два века опстојува женското монаштво.
Манастир Свети Никита (Скопска Црна Гора)
Датирајќи од 13-ти кон 14-ти век манастирот Св. Никита кој се наоѓа на падините од планината Скопска Црна Гора привлекува голем број верници.
Се верува дека каменот кој се наоѓа на средината на манастирот наречен „љубовниот камен“ под кој се закопани коските на самиот светител помага на жените кои немаат рожба.
Сливничкиот манастир посветен на „Рождество на пресвета Богородица“ (Преспа)
Сливнички манастир или „Рождество на пресв. Богородица“ е сместен на падините на Баба Планина во долнопреспанското село Сливница а изграден е во 1607 година.
Во дворот на манастирот постои чешма за која се верува дека е света и лековита вода која лекува од болести и помага за пород.
В. К. | Црнобело
Би можело да ве интересира:
Препорачуваме
Најчитани неделава
