„Зависна сум од ист стил облека цел живот - зошто постојано носам идентични парчиња?“

Гледам фотографии од бебе - носам риги,  фотографии од училиште - носам риги, за излегување сега - носам риги...

Лорен Адхав е девојка која забележала дека во текот на целиот свој живот е „зависна“ од облека со риги.

Нејзината исповед:

„Дали се сеќавате на она чувство кога ќе видите некое убаво момче/девојка и не можете да ги одделите очите од него/неа? Па, мене ми е така кога ќе видам маичка на риги. Целиот живот сум зависна од овој дезен.

Не можам да кажам кога точно започна мојата опсесија, но откако се сеќавам за себе носам риги, а мојот плакар е преполн со вакви парчиња. Неретко пријателите ми велат „Ах, риги повторно!“, а и на училишните фотографии сум така облечена.

Сакам да знам што не е во ред со мене и зошто толку слепо се држам за овој стил?“

Психологот Даун Карен дава објаснување за ова:

„Кога сте дете најчесто родителите ви бираат облека, а подоцна во училишните денови ви дозволуваат вие да го правите тоа за да стекнете чувство на независност. Но, неретко се случува да се држите до некој стил, кој родителите ви го наметнале несвесно во детството.

Во случајов така е со маичките со риги. Тие веќе ти даваат чувство на комфор и сигурност и парчињата со риги ти ја намалуваат анксиозноста. Ја носат топлината од минатото.

Понекогаш тоа може да биде и поврзаност за одредена боја, која ви буди убави спомени.

Постојаното носење на слични парчиња има и термин „Repetitious Wardrobe Complex“. Луѓето тоа го прават затоа што потсвесно ги охрабрува и ве прави самоуверени.“

Дали и вие имате боја, дезен или парче облека од кое не можете да се откажете?

С. С. | Црнобело