„Купувајте помалку, бирајте подобро, носете подолго“ - 8 парчиња облека кои треба да ги поседувате

Основните парчиња облека се различни за секоја жена со што таа го дефинира својот стил.

Тоа зависи од животниот стил и вкусот, но сепак, постојат одредени парчиња кои се класична основа со години.

Тие се непроменливи и секогаш во мода, а добро ѝ прилегаат на речиси секоја девoјка.

Во секој гардеробер треба да се најде место за нив, но секогаш треба да бидат добро избрани и со висок квалитет.

Парчиња кои никогаш не излегуваат од мода и секогаш треба да ги поседувате:

Бела блуза и кошула

„Квалитетна бела блуза може да има милион различни карактеристики и намени.“ - Џанфранко Фере, моден дизајнер

Малиот црн фустан

„Во малиот црн фустан е невозможно да изгледате претерано шик ниту претерано скромно.“ – Карл Лагерфелд, моден дизајнер, креативен директор на Chanel

Миди тесно здолниште

„Го обожавам затоа што ме покрива на вистинските места.“ – Менди Мур, актерка и пејачка

Фармерки

„Во животот жалам само за една работа – што не ги смислив фармерките.“ – Ив Сен Лоран, моден креатор

Класични панталони

„Секогаш се потпирам на панталони. Во панталоните имате слобода да играте со стапалата, со ставот кон другите и кон животот. Многу е позабавно. Се чувствувате како маж со женски став. Обожавам панталони.“ – Соња Рикел, моден дизајнер

Сако

„Сакото е основата на гардеробата. Треба да е добро сошиено, да стои совршено и да се чувствувате самоуверено и удобно.“ – Џорџо Армани, моден дизајнер

Црни и боја на кожа штикли

„Мажите ми велат дека штедат за свадба. Чевлите ги чинат богатство, но сепак се поевтини од развод.“ – Маноло Бланик, дизајнер на чевли

Мантил

„Сите луѓе на светот треба да имаат мантил, и за сите луѓе на светот мора да има мантил. Независно на возраста и полот.“ – Ангела Ерендс, поранешен CEO на Burberry

М. М. | Црнобело