5 славни дами кои никогаш не грешат со изборот на облека

Тоа се оние 5 дами кои речиси секогаш „играат на сигурно“, дами чии стил се копира и кои без проблеми најскапите прачиња облека од високата мода, можат да ги комбинираат со поевтини брендови и да изгледаат совршено.

Овие 5 дами ги диктираат трендовите:

Кејт Мидлтон

Според модните блогерки таа е на врвот на листата на најдобро облечени жени. Иако е член на кралското семејство, таа нема проблем да заблеска неколкупати во ист фустан. А, има 6 модни детали на кои никогаш не заборава и секогаш изгледа одлично.

Блејк Лајвли

Оваа година таа ја доживеа и својата втора бременост и ни покажа како секој може да изгледа феноменално без оглед на тоа колкаво е трудничкото стомаче.

Селена Гомез

Гомез успева да ги спои неспоиливите парчиња облека, да експериментира со модните детали, а и да заблеска во елегантен класичен свечен фустан.

Викторија Бекам

Бекам без грешка, без разлика дали станува збор за евтино парче или скапа дизајнерска облека, едноставно секогаш успева да изгледа елегантно.

Амал Клуни

Сопругата на Џорџ Клуни има беспрекорно чувство за мода која не штеди на класичните парчиња облека, но покажа дека умее да ги следи и најновите модни трендови кога се прошета со фармерки со цветен дезен.

Н. Г. | Црнобело