5 парчиња кои ќе го освежат плакарот и ќе направат облеката да ви изгледа како нова

Промената на годишното време е одлично време за обновување на плакарот, а тоа не значи дека треба да влезете во минус.

Барајте парчиња кои лесно се вклопуваат во веќе постоечкиот плакар и кои можат да бидат дел од вашата моментална стилска естетика.

Од нови силуети до забавни принтови, ова се 5-те летни парчиња кои може веднаш да ги купите и кои ќе ви го освежат плакарот:

1. Чанта во форма на кофа

Ваквите преслатки чантички се хит на сезоната и се совршени за топлите сончеви денови. Ако ја одберете во некоја неутрална нијанса, тогаш таа сигурно ќе одговара со целата ваша гардероба.

2. Потпетици со дебела штикла

Супер тренди, модерни и удобни – што друго ви е потребно? Тие можат да направат секојдневното да изгледа дотерано и даваат комплетно нов изглед. Металик боите се одличен избор, бидејќи можат да се носат со било што.

3. Пантолони со риги

Класично, летно, шик и плус визуелно ве издолжува. Комбинирајте ги со пар високи потпетици и обична блуза за совршен стилски ансамбл кој совршено се транзиционира од ден во ноќ.

4. Шорцеви со принт

Шорцевите со принт се одлична алтернатива на тексас шорцевите. Ќе изгледате фантастично во комбинација со неутрална маичка и шик едноставен блејзер.

5. Модерно сезонско парче

Секоја сезона се карактеризира со едно парче кое кратко време е модерно. Иако да се има класични парчиња е задолжително, но тренди парчињата го прават плакарот да биде забавен и му дава живот. Затоа, без разлика дали е фустан со голи раменици или со тантелни детали, целете кон евтини парчиња кои можат да се носат на разни начини. 

С. С. | Црнобело