7 тренди парчиња со кои оваа есен ќе изгледате како парижанка

Елегантен фустан што ја следи линијата на телото, панталони со висок струк - кои парчиња облека се во тренд оваа есен, а инспирирани од стилот на парижанките?

Парижанките отсекогаш биле синоним за мода и жени со префинет вкус и стил.

Многу жени пробуваат да ги копираат или барем да се инспирираат од нив при изборот на облека.

Па ако сакате барем на момент да изгледате како нив оваа есен, тогаш во вашиот плакар треба да има едно од овие 7 парчиња.

Елегантен фустан што ја следи линијата на телото

Фустанот од лесен материјал (свила или сатен) кој ја следи линијата на телото, истовремено е и елегантен и шик.

Може да го се комбинирате балетанки и палто и на тој начин целосно да го ископирате стилот на парижанките.

Широко, струкирано палто

Оваа есен во тренд се широки палта, но не „оверсајз“ туку долги и струкирани модели , кои сепак ќе го нагласат вашата половина.

Кратка „бомбер“ јакна

Овие јакни скоро не излегуваат од мода, но ако сакате да изгледате како парижанка, изберете модел од твид или волна, или пак кожена „бомбер“ јакна.

Џемпер со „двоен“ патент

Џемперите со „двоен“ патент кој се откопчува и од вратот надолу и од половината нагоре е секогаш меѓу првите модни избори на парижанките кога сакаат да изгледаат кежуал.

Плетено здолниште (или фустан)

Плетените здолништа ќе бидат меѓу најмодерните парчиња облека оваа есен, а истото важи и за плетените фустани.

Лесно се комбинираат, а може да се носат и преку ден и навечер.

Панталони со висок струк

Наместо класични панталони, оваа есен изберете панталони со висок струк кои ги издолжуваат нозете.

А ако сакате да ги носите како парижанките, наместо со кошула или маичка, комбинирајте ги со дебел џемпер и палто.

Краток мантил

Класичниот мантил во беж боја оваа есен заменете го со краток модел до половината.

А. Ј. | Црнобело