Модел или XXL манекенка? (фото)

Робин Ловли е манекенката која со својата појава ја најави ерата на она што се нарекува модел со облини или XXL манекенка. Се чуди од каде тој епитет дека таа е XXL манекенка?

- Никој не треба да се нарекува XXL жена. Тоа е навредливо за секого, тоа е етикета. Јас сум само модел, а пред тоа не треба да се додаваат никакви епитети со XXL – изјавила Робин Ловли за магазинот „Clique“.

Оваа манекенка носи облека со број 38, а токму тој број модната куќа „Манго“ во последната кампања го намени за покрупните модели.

- Луѓето се чудат: Како е таа XXL модел? Навистина, како сум јас XXL? – додава Робин.

Жената која беше ѕвезда во кампањата на Ралф Лорен и која се појавуваше на насловната страница на магазинот „Вог“, не била отсекогаш толку многу против модните стандарди.

Поради желбата да им се допадне на модните агенти, држела диети, пиела апчиња за слабеење, но подоцна се откажала, бидејќи сето тоа ѝ било неиздржливо.

- Верував дека само ако сум слаба може да бидам убава. Не верував дека ќе изгледам добро и со овие облини.

Таа додава дека е заблуда тоа дека жените кои се покрупни не вежбаат. Тие го прават сето она што е добро за нивното здравје и не се принудуваат себе на невозможни задачи.

Она што е важно да се знае за т.н. XXL манекенки е дека не значи дека тоа се несмасно дебели жени, туку само имаат покрупни облини поради пошироката градба на телото.

Но, тие еднакво вежбаат и се грижат за себе, единствено е тоа што не се изгладнуваат за да бидат еднакво слаби со поситните девојки.

Погледнете дали Робин Ловли навистина е XXL манекенка:

• 
• 
• 
• 
• 
• 
• 
• 
• 
•