7 вида обувки кои вредат „за сите пари“ - може да се комбинираат со сè

Апостолки, бели патики - кои обувки може да ги комбинирате со секаква облека и да ги носите долго време?

Понекогаш, кога купуваме обувки за некоја специјална пригода, знаеме дека ќе ги облечеме само еднаш или можеби двапати.

Но, многу почесто сите избираме обувки кои ќе може да ги носиме долго и да ги комбинираме со секаква облека.

Кои обувки вредат „за сите пари“ затоа што можете да ги комбинирате со сè?

Бели патики

Последниве неколку години, патиките се комбинираат со секаква облека, дури и со свечени фустани.

Белите патики се вистински погодок, единствено треба да го одберете моделот кој ќе е најсоодветен за облеката што ја носите.

Апостолки

Најверојатно најдобриот избор за летни обувки се апостолките - одговараат на секој тип на облека, а изгледаат одлично на нога.

Класични балетанки

Овие обувки или ги сакате или ги мразите, но вистината е дека може да се носат на секаква облека и им одговараат на сите, без исклучок.

Сандали во неутрална боја

Сигурно имате сандали во силни, дречливи или темни бои.

Но, според стилистите, секоја жена мора да има барем еден пар во посветла и неутрална боја - крем или бели, на пример.

Сандали со ремчиња и дискретни украси

Секогаш е добро во плакарот да имате барем едни сандали кои ќе можете да ги носите во посвечени пригоди.

Затоа изберете сандали со ремчиња и дискретни светкави украси.

Обувки со животински принт

Без оглед дали станува збор за сандали, балетанки или класичен модел на чевли, во вашиот плакар мора да има барем едни обувки со животински принт.

Плетени обувки од природни материјали

Сеедно дали ќе изберете рафија папучи или чевли на плута - плетените обувки од природни материјали одговараат на повеќето модни комбинации, а поради материјалот од кој се изработени, се и лесни за носење.

А. Ј. | Црнобело