Ако сте уморни од кажување „извини“ - кажете „збогум“

Секој пар има несогласувања и кавги, но има и граници до каде може да се оди со сето тоа. Кога односот ќе стане нездрав, тогаш не е на добро.

Не се обесхрабрувајте, бидејќи колку порано завршите некој однос кој ве труе, толку побрзо ќе се ослободите од вината и лошото чувство. Во исто време, ќе се заштитите од тоа да бидете скршени.

Не постои магична формула за да можете веднаш да сфатите дали вреди за некого да се борите и дали караниците ќе поминат. Но, забележете како вие се чувствувате. Дали чувствувате вина и се обвинувате себе, дури и кога не сте криви за ништо? Тоа воопшто не е добро.

Ако сте вие тие што се извинувате, можеби почесто го правите тоа отколку што го кажувате своето име. Дали ви е јасно функционирањето на вашата свесност? Дали можеби го правите тоа поради личноста со која сте избрале да бидете блиски?

Ова важи и за пријателствата, но и за поповршните односи како што се колеги на работа или познаници, а не само за романтични врски.

Една од најтешките лекции во врските е дека никој не сака да ја има целата одговорност врз себе, па често прави другата личност да се чувствува лошо и повредено, но и да се извинува за нешто што не е виновна.

Многумина мислат дека тоа е нормален дел од борбата за љубов и спасување на односите. Но, размислете како се чувствувате потоа? Дали ви е полесно или сте повознемирени? Дури и кога се извинувате и кога ви „простуваат“, ако потоа нема олеснување, тогаш бидете свесни дека овој однос не е тоа што ви треба.

Вие сте одговорна личност која има контрола врз својот живот и сигурно немате време да се извинувате и правдате за нешта кои воопшто не се ни во вашата надлежност и одговорност. Таква врска, едноставно, не вреди да ја спасувате.

Е. Д. | Црнобело