Една работа која онлајн состанувањето ја уништи, а никој не ја предвиде

Огромен број луѓе во светот користат апликации за пронаоѓање на партнер, а овој тренд сè повеќе се прифаќа и во Македонија. Дали сте за или против?

Онлајн состанувањето не ги уништи ниту среќните бракови, ниту способноста да се обврземе некому, но тие имаат еден неочекуван негативен ефект – луѓето многу полесно ги напуштаат врските што не ги исполнуваат.

Кога сте во среќна врска, тогаш не сте заинтересирани за други потенцијални партнери, иако тие се само на неколку кликови од вас, но кога врската не е совршена паѓате во замка да ги разгледате опциите.

И можеби не би се осмелиле да појдете во кафуле или дискотека и да барате ново момче/девојка, но се убедувате себеси дека нема ништо лошо ако си поиграте со некоја апликација за состанување. И тогаш станува многу лесно да пронајдете некој нов и да кренете раце од својата врска.

Една од ваквите апликации е „Tinder“.

Наместо да се обидувате да работите на својата врска, вие едноставно се фрлате на емоционална афера, кое има шанси да прерасне во нешто повеќе.

„Поголемиот дел од луѓето на интернет бараат долгорочна посветена врска дури и на апликации како Tinder“, вели експертот за врски Хелен Фишер.

„Кога не се среќни во врската, лесно посегнуваат по некоја „онлајн авантура“. Taка што онлајн состанувањето ја уништи истрајноста на луѓето да работат на своите врски кога ќе дојдат периоди кога не е сè така совршено како што си замислувале, но од друга страна пак благодарение на тоа што онлајн го бараме токму тоа што го сакаме, можно е да видиме постабилни бракови во иднина“, додава Хелен.

Кој е вашиот став?

С. С. | Црнобело