9 грешки кои ве прават одбивни уште на првиот состанок

Кои работи може да направат никогаш да не добиете покана за втор состанок? Зошто како никој не е заинтересиран да биде во врска со вас?

Љубовта е комплицирана работа. Некои луѓе постојано се опкружени со обожаватели,  додека други како да се осудени на вечна самотија. Во која група припаѓате вие?

Ако по првиот состанок работите тргнуваат на лошо, можеби правите некоја од овие грешки:

Ненаспаност – кога не сте убаво наспани изгледате помалку атрактивно, а луѓето имаат тенденција да избегнуваат луѓе што не изгледаат комплетно здраво.

Под стрес сте – хормонот на стрес кортизол во крвта ги одбива потенцијалните партнери.

Немате хоби – креативните луѓе, што имаат страст за животот и сакаат спорт, уметност, танц, патувања, се попривлечни за другите.

Лоша миризба – не се однесува на парфемот, туку на хигиената, плус на вашиот природен мирис, кој зависи од гените.

Проблеми со забите – оралната хигиена е навистина важна и на состаноците и при бакнувањето.

Лоши манири на маса – џвакање со отворена уста, јадење од туѓа чинија и зборување на телефон додека јадете се навики што најверојатно нема да ви донесат втор состанок.

Ароганција – самоувереноста и насмевката се секси, но дрските шеги и потценувањето на соговорникот дефинитивно не се.

Мрзеливост – мрзеливите луѓе околината ги перципира како бескорисни, па затоа не се привлечни за партнери.

Немате пријатели – штом немате голем круг на луѓе околу вас значи немате харизма или сте себични и тоа не е привлечно за потенцијалните партнери.

С. С. | Црнобело