Мажите анализираат повеќе од очекуваното: Ситници по кои можат да ја проценат жената

Постои верување дека мажите не обрнуваат внимание на деталите кај жените и дека се многу „површни“ во тој поглед.

Сепак, тоа не е вистина, бидејќи има многу мажи кои забележуваат ситници во женскиот изглед или однесување, за кои вие не сте ни свесни.

Затоа, добро е да знаете кои се работите кои потајно тие ги забележуваат и влијаат на нивното мислење за вас.

Неколку детали кои мажите ги забележуваат кај жените, според специјалисти:

Изразот на лицето открива емоции

Немојте да мислите дека мажите не знаат да читаат емоции од лицето, бидејќи тие можат да забележат многу повеќе од солзи и насмевка.

Тие забележуваат неискреност во ладниот поглед, како и емоција на разочарување, ако усните ви се собрани.

Бојата на облеката има значење

Сите знаат дка боите влијаат на нашето расположение, емоции, па дури и апетит.

Па така, црвената симболизира енергија и страст, црната – елеганција, срамежливост и стабилност, а розовата – топлина и нежност.

Па, кога жената ќе одбере некоја од овие бои за состанок со партнерот, таа праќа несвесно сигнал за нејзиното расположение.

Што значи ако пее под туш?

Кога сме под туш, сме сами, смирени и не се срамиме, па нивото на стрес се намалува, а мозокот лачи допамин, што ни предизвикува пријатно чувство.

Па така, најчесто во тие моменти сите почнуваат да си пеат и тоа му помага на човекот да се „рестартира“ и релаксира, без разлика дали има некој друг во домот.

Токму тоа го забележуваат мажите, бидејќи им е значајно да одредат какво е расположението на нивната партнерка.

Начинот на пишување пораки има позадина

Ретко кој отворено разговара за своите емоции, но несвесно може да откриеме многу работи за себе преку начинот на зборување, па и по пишувањето пораки, посебно жените.

Затоа мажите успешно можат да дешифрираат некои знаци кои ги добиваат преку пораките на жените и го откриваат карактерот на жената.

Честите фрази како „Јас сакам/Јас се чувствувам“, значат дека личноста е фокусирана само на себе, а доколку пак често споменуваат фрази како „Се колнам/Верувај ми“, може да значат дека лажат.

Ги забележуваат и пијалаците кои таа ги пие

Бело вино и морски плодови, џин тоник со пријателки, а црвено вино кога е под стрес. Изборот на пијалак, исто како и оној со облеката, може да открие многу за личноста.

Некои мажи обрнуваат внимание на ова за да знаат што да нарачаат следно, а други, за да го откријат моменталното расположение на жената.

Тие исто така забележуваат и дали жената пие бидејќи ужива во вкусот од време навреме, или пие од зависност.

Каква облека бира за да импресионира

Да, мажите обрнуваат многу внимание на облеката, посебно на изборот кога треба жената да ги импресионира.

Не ги интересираат брендови, колекција или цена, но обрнуваат внимание на чувството за елеганција, стил и сексуалност.

По тоа може да се открие и нејзиниот однос кон мажот – ако излезе на состанок во прекрасен фустан со средена коса, веројатно е заинтересирана за него, но доколку излезе како секое вообичаено излегување од дома, веројатно не сака ништо повеќе од пријателство.

Какво јадење нарачува на состанок

Во повеќето случаи, на љубовните состаноци во ресторан, жените нарачуваат салата или мала порција храна.

Тие со тоа сакаат да покажат дека се фит, здрави и внимаваат на линијата и исхраната, но всушност може да постигнат негативен ефект.

Жените кои на првите состаноци јадат салати, изгледаат срамежливо и несамоуверено, а како резултат на тоа се помалку привлечни, од оние кои не се срамат да се покажат во вистинско светло и да нарачаат порција месо или бургер.

Секако, ова не важи во сите ситуации, туку само во оние каде жената се однесува поразлично од она што всушност е само за да остави некој лажен впечаток.

М. М. | Црнобело