Најголемата љубов е секогаш тажна и тешка

Не ме гледај в очи.

Таму, нема веќе радост.

А, ме издаваат.

Очите не лажат.

На секој еден му зборуваат за тебе.

На големо раскажуваат

колку многу те сакам.

Ама, не секоја љубов е среќна.

Има и такви љубови кои се тажни.

Невозможни и сурови.

Љубови кои болат,

љубови кои подгрбавуваат.

Ете, и мене ми се случува една таква.

Тажна.

Никогаш нема да го види светлото на денот.

Гние страста на свилените чаршафи.

Посакувам да беше поинаку.

Да беше баш ти, човекот на мојот живот.

Да сонував дека еден ден

ќе бидеш татко на мојата ќерка.

Ама не бадијала рекле,

дека најголемите љубови се тешки.

М. К. | Црнобело