Девица на 29 години: Работи кои мора да ги знаете ако не сакате секс пред брак

Кога е вистинскиот момент и дали треба да ја чекате вистинската личност? Тоа се прашања за кои некогаш долго се дискутираше, а денес останаа само хипотетички размислувања на ретки исклучоци.

Според последните истражувања повеќето млади луѓе првиот однос го имаат околу 17 година. Можеби токму затоа приказната на една 29-годишна девојка која одлучила да остане девица до првата брачна ноќ звучи малку чудно.

Одлучив да го чекам бракот, бидејќи така сакам, а не затоа што така ме учи религијата. Верник сум, но оваа одлука ја донесов од лични причини. Сметам дека поради тоа мојот брак еден ден ќе биде поквалитетен и подобар.

Сексот не е најважната работа во врската со мене.

Сфаќам дека е голема работа ако во денешно време немаш секс додека твоите врсници го прават тоа постојано. Но, мојот целокупен идентитет не се заснова на фактот дека сум девица или сингл. Сакам другите да ме доживуваат како човечко суштество со многу квалитети, а не да ме етикетираат врз основа на моите погледи на сексуалноста.

Одлучна сум дека нема да стапам во полови односи до брак, но тоа не значи дека не чувствувам сексуална желба. Како и сите луѓе и јас чувствувам сексуална желба. Тешко е да се чека, но не е невозможно. Фактот дека успевам да одолеам на физичката желба, ме прави посилна и сега знам дека многу работи во животот може да се контролираат.

Тоа што одлучив да бидам девица до брак не значи дека сум лезбејка. Верувам дека постојат момци кои ќе го делат моето мислење или ќе го почитуваат мојот избор.

Понекогаш обесхрабрува кога ќе слушнете многу момци како коментираат дека не можат да бидат со девојка која не сака секс, што е сосема во ред, како нивен избор, но знам дека постојат и оние кои знаат да ве почитуваат заради вашиот личен избор.

Сметам дека мојата одлука ме поштедила од многу болка и патење, бидејќи со оглед на тоа што во досегашните врски во кои сум била не сум имала физички контакт ми било многу полесно да си заминам и да продолжам понатаму. Мислам дека раскинувањата и преболувањата би ми биле многу поболни ако имав доживеано таква интимност.

Изразувањето на сопствената интимност не доаѓа само за време на сексуалниот чин. Сексуалноста е дел од природата на секое суштество и не мислам дека мојата е потисната поради одлуката да немам секс. Јас  ја изразувам преку почитување и прифаќање на сопственото тело, низ танцот и односот со луѓето околу мене.

Горда сум на својата одлука. Моите пријатели и семејството ме поддржуваат во одлуката и ме прифаќаат без оглед на сè. Нема ништо страшно во тоа да се биде 29-годишна девица.