Организирајте се подобро

Факт е дека современиот маж има толку многу обврски што не може ни да замисли да живее поопуштено. Сигурно е и на сите ни е...

...јасно дека живеењето во таков ритам, забрзано темпо, ниту е здраво ниту е препорачливо, затоа што на подолги патеки може да доведе до сериозни здравствени проблеми.

Другите работи можеби и не треба толку да не загрижуваат, но здравјето? Тоа е секогаш на прво место за сите нас. Ако немаме време, тогаш што ни е потребно? Подобра организација.

Ајде да бидеме чесни кон себе. Да седнеме, да земеме лист хартија и пенкало и да во наредните десет дена да ги бележиме сите наши активности.

Кога ќе направиме десетдневен биланс, детално треба да го анализираме распоредот на активности за да го исфрлиме сето она што не може да се вклопи во „ни итно ни битно“. Зошто?

Затоа што тоа се ставки кои ни одземаат премногу време, а придобивката е еднаква на нула. Од она што ни преостана на списокот треба да направиме листа на приоритети, а дел од викендот да одвоиме за завршување на ситни работи кои не сме успеале да ги направиме во текот на неделата.

Во текот на работната недела треба да избегнуваме седенки – така ќе бидеме поодморени и поефикасни на работа, а на крајот од работното време поопуштени.

Дружењето со пријателите секогаш може да се остави за викенд. Ако ни се вистински пријатели, нема да се лутат поради вашиот распоред на времето.

И на крајот, многу е важно да си определиме време за рекреација (теретана, фитнес, фудбал, кошарка, трчање...). треба да се потрудиме што повеќе да се занимаваме со спорт, или барем што поредовно.

Сè останато може да се одложи, но на нашето тело му е потребна рекреација.