Како Илон Маск открива кога некој лажел во CV – Кое прашање ги издава неискрените?

Не дипломата и образованието, туку одговорот на едно прашање е клучен за тоа Илон Маск да одлучи дали на некој кандидат за вработување треба да му даде шанса или не. Ова прашање го користат и голем број други работодавци, а открива дали кандидатот лажел во својата биографија.

На многумина може да им се случи да излажат нешто во својата професионална биографија (CV) со цел да ја добијат работата за која долго време сонувале, а Илон Маск сподели кое е прашањето што редовно го поставува на интервјуата за да дознае дали си има работа со лажговци.

„Раскажи ми повеќе за најтешките проблеми на кои си работел и како си ги решил“ – гласи прашањето што сите кандидати го добиваат на интервјуто за работа кај него.

Инаку станува збор за техника за интервјуирање која е позната и како Асиметричен менаџмент на информации (AIM) и треба да му помогне на интервјуираниот да покаже дека навистина ја зборува вистината за своето искуство, преку обезбедување детални информации.

Ако сте во можност детално и точно да одговорите на ова прашање, многу е веројатно дека ја кажувате вистината.

„Ако дадат подолги, подетални изјави за настанот за којшто раскажуваат, тој што го води интервјуто ќе може да открие дали соговорникот ја зборува вистината.

Во спротивно, тие што лажат ќе направат сѐ за да прикријат дека лажеле, па заради тоа можно е да не сакаат да изнесат премногу информации за себе.

Тие претпоставуваат дека ако не изнесат доволно детали, тој што ги интервјуира нема да може да ја забележи нивната лага“ – истакнува Коди Портер, автор на студијата посветена на оваа техника за интервјуирање.

Инаку, Илон Маск е еден од најбогатите луѓе во светот, а неговиот начин на вработување во голема мера е единствен и мошне поразличен од другите работодавци.

Познато е дека за време на интервјуата тој од кандидатите не бара дипломи, ниту од средно образование, ниту од колеџ, туку бара докази дека сте „исклучително способни“ за да ве вработи.

Според него, ако во минатото сте покажале дека сте исклучително способни за да се справите со проблемите во минатото, тоа значи дека ќе можете да го направите и во иднина.

Многу е полесно да излажете во биографија или мотивациско писмо, но многу е потешко тоа да го направите во моментот кога сте во фокусот на вниманието и треба да зборувате отворено.

Поранешни вработени јавно зборувале за условите за работење во неговите компании, па рече дека тие немале менаџери и хиерархија во Space X, но се очекувало на сите состаноци јавно да ги споделуваат своите идеи и да се вклучуваат активно со сопствени ставови.

„Немав никакви ограничувања на работното место, сѐ додека додавав вредност на тоа што го работев.

На пример некој ќе ме прашаше дали ме интересира софтверот за летање и ако ме интересира, бев поканет да одам и на тие состаноци“ – вели Винсент Петерс, кој работел во Space X, 2 години.

Прочитајте и Можете ли да ја решите загатката која Илон Маск ја поставува на интервјуата за работа?

Б. С. Б. | Црнобело / фото: depositphotos.com