Дали би работеле како „дигитален номад“?

Замислете се себеси со освежителен коктел, уживајќи на прекрасно сонце и песочна плажа додека сте на работа. Иднината за која сите тајно сонуваме е веќе тука. Сѐ поголемата флексибилност на работното место нуди прекрасна опција да патувате без да ја жртвувате вашата кариера.

Бројот на луѓе кои успеваат да ги задржат своите работни позиции додека патуваат низ светот е во подем. Со моќта на интернетот и сѐ поголемите можности за комуникација, сега е навистина лесно да добиете работна сатисфакција додека уживате на нова и егзотична дестинација.

Со оваа опција се појавува терминот "дигитален номад", односно оние личности кои не мразат да стануваат наутро, знаејќи дека ги чека истата работна атмосфера, истите колеги и истите обврски.

Овој начин на работа, спротивно од сѐ уште популарното размислување, може да резултира во зголемена продуктивност.

Фразата "среќен работник е добар работник" е дефинитивно точна во овој случај.

Со оваа нова опција не се менува само начинот на работа, туку и начинот на патување. Луѓето повеќе не ги планираат патувањата за неколку недели. Сѐ поголем број на луѓе започнуваат да патуваат на пократок период и подолги дестинации.

Можноста да заработувате додека патувате овозможува да посетите дестинации за кои само сте сонувале или дестинации кои бараат огромна организација и планирање на годишниот одмор, за на крај да ви предизвикаат стрес и поголеми проблеми.

Статистиките покажуваат дека и додека патуваме, повеќето од нас сѐ уште имаме потреба да бидеме продуктивни. Па, овој начин на патување е совршен не само од финансиска точка.

Исто така, голем број на компании особено оние кои се сѐ уште во развој започнуваат да ја искористуваат моќта на дигитализацијата и да соработуваат со хонорарци ширум светот. Со одржување на контактите преку мејл, или некоја од социјалните мрежи и двете страни имаат придобивки.

Хонорарците добиваат плата додека работат од удобноста на нивниот дом, додека компаниите добиваат работник за кој не треба да обезбедат канцеларија, биро или компјутер.

Покрај сите овие придобивки, очгледно е зошто овој начин на работа е во подем.

Што мислите вие? Дали би сакале да патувате низ светот и да заработувате во исто време?

К. Д. | Црнобело