Најдобар пријател на работа

Најголем дел од денот го поминувате на работа? Зошто да не склопите нови пријателства таму? Не само што ќе се забавувате подобро, туку и времето ќе ви...

 

...поминува побрзо и подобро ќе ги завршувате обврските. Кои се личностите со кои треба да се дружите?

1. ИТ менаџерот

Ако не сте вешти со компјутери ова е вистинската личност која ќе ви биде потребна во секое време кога ќе заглавите. Бидете сигурни дека тој ви е пријател барем во работното време. Тој ја има моќта да види се што правите додека сте на работа, па ако висите на Facebook или симнувате филмови дефинитивно ви треба наклонетоста на оваа личност.

2. Ветеран во компанијата

Личност која работи таму подолго и ќе може да ви се најде и да ви помогне да се вклопите во работата. Ги знае сите процеси и врзана е со вистинските луѓе.

3. Секретарката

Верувале или не – секретарката секогаш знае се! Таа ги прави плановите и ги резервира бизнис патувањата. Таа лаже кога менаџерот не сака да одговори на телефон. Таа ги знае сите тајни кои се плеткаат низ фирмата. Со неа сите разговараат кога им треба нешто. Затоа – секогап одржувајте пријателски однос со оваа личност.

4. Најдобар пријател на работа

Ви треба некој да ве покрива кога ќе заминете малку порано? Најдете колега кој е полн со идеи. Некој со кој ќе можете да оговарате и да ги делите мислењата и тајните. Ваков вид на блискост е добар за продуктивноста, а секако ќе си бидете од помош еден на друг.