Најважна одлука во кариерата е онаа со кого ќе се венчате

Меѓусебната заинтересираност за кариерата на партнерите, поддршката во плановите, остварувањето на целта и подготвеноста на флексибилност со промените се клучни за добрата кариера.

Како што во бракот може да пресуди несогласувањето околу финансиите, исто така и поддршката од партнерот односно нејзиното изостанување, може да пресуди во кариерата.

За двајцата да имаат добра кариера, потребна е взаемна поддршка и разбирање, желбата за остварување и исполнување на животните цели , а истото е потребно и за здравиот љубовен однос.

За да се развие и воспостави однос полн со поддршка за кариерата на партнерот, за почеток добро е да разговарате за големи работи. Разговарајте и расправајте за она што вам ви е најважно.

Што сакате да постигнете на работното место и кон што се стремите? Од што не би се одрекле во ниедна ситуација, иако тоа значи жртвување на други важни работи.

Одредете што ви е важно на двајцата – дали е тоа напредок во работата, детето, движењето на приватните работи, здравиот живот или преселбата. Така ќе ги одредите приоритетите на кои ќе треба да поработите. Ваквиот разговор добро е да се заврши од време на време за да се согласите.

Секогаш во тек

Она што вас ќе ви биде одлична поддршка е заинтересираноста еден за друг. Секојдневно разговарајте за случувањата на работното место, бидете упатени. Она што од почеток ве привлекло кај партнерот е причината поради која на крајот сте се заљубиле. Барајте совети од партнерот за можните проблеми, а и вие понудете му совет во дилемите и тешкотиите на работното место.

Супер тим

Ако успеете да бидете во тек со сè што му се случува на вашиот партнер тогаш одлично ќе функционирате и како тим во приватниот живот. Договарајте се за работите околу децата и останатите домашни обврски. Важно е кариерата ниту на едниот ниту на другиот да не трпи поради другиот.

Паровите кои делуваат како тим, се обидуваат да пронајдат начин за да ја завршат работата, а да не ја жртвуваат позицијата и понатаму да му помагаат на партнерот.

Без драми поради промени

Промените се секогаш можни и треба да бидете секогаш подготвени. Со оглед на тоа што се работи за кариерите на двајцата, многу лесно е можно да се појави некој нов проект или патување.

Сите промени кои бараат флексибилност и подготвеност за прифаќање на ситуацијата онаква каква што е. Во сите ситуации потребно е партнерите да си даваат меѓусебна поддршка за да можат заеднички да го согласат распоредот.

Паровите кои оставаат простор за промени, согласувања, разговор и договор сигурно ќе функционираат како одличен тим и ќе можат да се носат со сите животни проблеми.