Сакате да искусите живот и работа во странство?

Колку само приказни се раскажани за земјите низ светот, земји во кои не сме мислеле дека ќе можеме да отидеме, да работиме, да дознаваме...AIESEC Македонија нуди ретка можност вие да ги пишувате овие приказни.

Со праксите за размена (Out going exchange) кои AIESEC како најстара и најголема студентска организација во светот ги организира со години ќе може да работите, живеете, волонтирате и сл. во над 113 земји низ светот кои се дел од големото AIESEC семејство. Оваа студентска организација има долгогодишна традиција на организирање на најдобрите пракси ширум светот, и дава ретка можност да аплицирате за истите кај нас. Искуството да се биде дел од оваа приказна и да се запознаат други култури преку прексите кои AIESEC ги нуди е бесценето.

Важноста на праксите за нас студентите е позната тема, но важноста на праксите во друга земја покрај тоа што представува дел од вашето CV кое на идниот работодавец му дава до знаење дека покрај теоретското знаење стекнато на факултет имаме и практично искуство, претставува и искуство кое ни го збогатува животот од многу аспекти. AIESEC нуди два вида на пракси: Волонтерски и професионални во зависност од степенот на образование и желбите на оние кои аплицираат за истите.

На праксите студентите се во можност да го надополнат своето теоретско знаење, да работат во областа во која студираат, да волонтираат во разни проекти каде запознаваат мн луѓе од целиот свет, да раскажат своја приказна и да се вратат од земјата каде работеле со едно ново и несекојдневно искуство во кое учеле, се дружеле, работеле и се запознавале со други култури.

Праксите кои AIESEC ги организира се искуство кое не смее да се пропушти и од кое многу може да се искористи.

Ако веќе почнавте да размислувате која земја би ја посетиле и каде во светот би ја оствариле својата пракса време е да ја посетите страната на AIESEC Скопје и да аплицирате за истата што побрзо, а со тоа и да бидете поблиску до вашата практикантска приказна која со восхит ќе ја раскажувате!

Линк за аплицирање: http://aiesecskopje.org.mk/internship/