Организирање на продажниот објект

Дали може да ја унапредите малопродажбата во услови на економска криза и висока стапка на невработеност?

Одговорот го гледаме во многубројните успешни компании како што се IKEA, McDonalds, големи трговски синџири.... Но што е тајната на нивниот успех и како е возможно да остваруваат профит во услови на рецесија? Не е многу комплицирано, но мора многу работи да знаете и постојано да ги применувате.

За да продавате успешно, мора да го запознаете Вашето окружување односно мора да знаете кои се Вашите потенцијални клиенти, кои се нивните потреби и што им е од најважно кога донесуваат одлука за купување.

За да не продавате залудно и другите да заработуваат место Вас, мора многу добро да управувате со залихите. Лошото менаџирање на залихите води кон сигурен пропаст. Добрата вест е дека постојат едноставни модели за следење на залихите, но и покрај тоа има многу компании кои внимаваат на нив само за време на годишните пописи. Најверојатно причината за тоа е визионерскиот пристап кон работата и очекувањата дека ќе се исполнат ветувањата на политичарите и дека сите повторно ќе бидат вработени со многу пари.

Друг важен сегмент е раководењето со вработените во малопродажниот објект. Многу мали, среди и сериозни задачи, без добра организација, се спроведуваат полека и надвор од предвидените рокови. Клиентите кои го забележуваат ова велат: „Пријатно“ и исчезнуваат засекогаш. Иако нам ни е позната изреката: „Една насмевка вреди малку, а значи многу“ и мислиме дека е лесно применлива, праксата го кажува спротивното –многу тешко да изнудиш насмевка од продавачот. Уште една добра вест за Вас, и ова може да го решите.

Кога ќе ги запознаете клиентите, ќе ги подготвите залихите и ќе ги оспособите вработените, тргнуваме во акција кон клиентите.

Првиот чекор што треба да го направите е да привлечете што повеќе луѓе во Вашиот малопродажен објект. Овие техники се дел од областа наречена LSM т.е. Local Store Marketing. Понатаму, треба да им помогнете лесно да се снајдат во Вашиот малопродажен објект. Трето, треба да ја зголемите продажбата од постојните посетители преку техники како што се Merchadising, Cross Selling, промоции и слично.

За да биде задоволен клиентот и повторно да се врати во Вашите продавници, особено внимание треба да и посветите на услугата. Нормално, треба да знаете да комуницирате со купувачи кои имаат замерки и треба да успеете таа замерка да ја претворите во Ваша корист.

Заклучокот е ист како и на почетокот: не е многу комплицирано успешно да го организирате малопродажниот објект, но има доста детали на кои треба да внимавате.

Автор: Миљан Димитријевиќ (Србија)

професионален консултант и тренер во областите на менаџмент, продажба и маркетинг, како и организација и менаџирање на компанијата.

Предавач на обуката Организација на продажен објект, во организација на Triple S Group

www.tsgroup.mk

*Преземено од Нова Македонија