Лични фитнес тренери откриваат: Како до фит фигура како на ѕвездите?

Кој не би сакал да го има телото на Бијонсе, Кристијано Роналдо или која било згодна, славна личност?

Иако можеби гените на овие славни имаат голема улога во нивниот изглед, не треба да заборавиме дека нивната задача е секогаш да изгледаат беспрекорно.

А, за да успеат во тоа, тие најмуваат лични тренери, нутриционисти и што уште не.

Нормално, не сите луѓе  можат да си ги дозволат скапите тренери и програми за слабеење на славните, но секогаш можат да ги послушаат нивните совети.

Во продолжение можете да погледнете неколку совети за совршено тело од личните тренери на познатите:

Марко Боргес, тренерот на Бијонсе

Марко има завршено факултет за биологија и психологија, а ја започнал кариерата правејќи програми за вежбање и исхрана за спортисти. Нештата тргнале во нагорна линија кога бил најмен од Фарел Вилијамс. Набрзо потоа, пејачот го препорачал на неколку славни, вклучувајќи ги Џеј Зи и Бијонсе.

Според него, најважните совети за совршена линија се:

• Ограничете го внесувањето на преработена храна со вештачки бои и конзерванси.
• Секој ден вежбајте по 30 минути.
• Избегнувајте ги засладените пијалаци и пијте вода, и чај и лимонада без шеќер.

Харли Пасернак, тренерот на Гвинет Палтроу

Харли е експерт за исхрана и фитнес. Покрај Гвинет Палтроу, тој има соработувано со Аријана Гранде, Лејди Гага, Ријана, но и Адам Левин, кој има изјавено дека благодарение на него се чувствувал посилно и поздраво од кога било.

Според Харли, најважни се вежбите што ги изведувате во теретана, но и грижата за себе.

Неговите совети за тело од соништата се:

• Движете се постојано и бројте ги чекорите. Препорачливо е да направите 10.000 чекори дневно во првата недела, 12.000 чекори дневно во втората, а крајната цел да ви бидат 14.000 чекори дневно.
• Правете шејкови што се добри за метаболизмот и дигестијата и што го намалуваат апетитот. Неговата омилена комбинација е шејк од обезмастен јогурт, краставица, грозје, јаболка и спанаќ.
• Секој ден правете пауза од телефон, смартфон или каква било направа со екран, бидејќи тие имаат лошо влијание врз спиењето, па дури и врз апетитот.

Ерин Опреа, тренерот на Кери Андервуд

Ерин нагласува дека иако е важно да се храните здраво, животот е многу подобар со крофни. Според неа, умереноста е клучна за да направите некаква промена во животот. Со други зборови, одвреме-навреме дозволувајте си хамбургер, пица, сладолед и слично, но не претерувајте.

Нејзините главни совети се:

• Пешачете почесто и одете пешки секогаш кога можете.
• Внимателно читајте ги состојките на продуктите што ги купувате за да го контролирате внесот на шеќери.
• Немојте да консумирате јаглехидрати после 4 часот попладне.

Гунар Петерсон, тренерот на Клои Кардашијан

Петерсон бил тренер на неколку NBA кошаркари, па може да се каже дека е навистина подготвен. Тој има соработувано и со Клои Кардашијан, но и со Анџелина Џоли и Пенелопе Круз.

Ова се неговите најважни совети:

• Секојдневно правете чучнувања.
• Кога правите вежби за нозе, од голема помош е и качувањето и симнувањето по скали.
• Не заборавајте да вежбате со музика која ќе ве мотивира.

Продолжува на следната страница...