Вежби кои ќе ви помогнат повторно да ги облечете омилените фармерки

Ако во последно време сте накачиле некој килограм плус, нема причина зошто да се нервирате. Со правилна исхрана и одредени вежби, за кратко време ќе се вратите назад во нормала.

Овие вежби се одлични за колковите, бутовите и стомакот, а тоа се предели во кои најчесто се собираат масните наслаги, а најтешко се симнуваат.

Фактот што летото завршува, не значи дека треба да го оставите телото на милост и немилост, туку фатете се за работа:

1. Чучнувања

Раширете ги нозете во ширина на рамниците и земете два тега, па рацете испружете ги пред телото. Додека ги правите чучнувањата, односно додека се спуштате надолу, рацете држете ги право пред вас. Останете кратко во таа положба, а потоа вратете се во почетната положба.

Направете 2 серии со по 20 повторувања.

2. Кревајте ги нозете

Заземете почетна положба на тој начин што ќе се спуштите на колената и ќе се држите на дланките. Во левата рака земете еден тег, а потоа кренете ја десната нога наназад, на тој начин што таа ќе биде во линија со грбот. Потоа, левата рака држете ја на страна сѐ додека не биде во висина со рамениците. Задржете така неколку секунди, а потоа вратете се во почетната положба. Направете 20 повторувања, а потоа променете ја страната и направете уште 20.

3. Чекор напред

Направете чекор напред со левата нога. Земете тегови и дланките свртете ги нанапред. Потоа, спуштете се кон подот така што ќе го свиткате десното колено и ногата ќе ви биде паралелна со подот, додека пак левата ќе ви биде под прав агол во однос на подот. Во исто време кренете ги рацете така што лактите ќе ви прават агол од 90 степени. Задржете неколку секунди па вратете се во почетна положба.

Направете 20 повторувања, променете ја страната и направете уште 20.

4. Вага со странично поткревање на рацете

Застанете право, земете ги теговите и рацете спуштете ги покрај телото. Полека наведнувајте се кон напред, а истовремено кревајте ја левата нога наназад. Сега рацете ви се спуштени кон подот и тоа е почетната положба. Од оваа положба, кренете ги рацете на страна. Направете 5 вакви повторувања, па потоа променете ја страната. Оваа вежба не е лесна за изведување, но со малку пракса и редовност, ќе пронајдете начин да ја одржите рамнотежата.