Електричните јагули можат да го контролираат пленот на далечина и уште 6 животни со необични способности

Бидејќи водата е спроводник на електрична струја, електричната јагула може да го контролира својот плен на далечина со полнежот што ја генерира.

Живиот свет е многу разновиден и не можеме ни да замислиме какви сè суштества постојат. Дури и оние што ни се познати на повеќето, кријат некои карактеристики и способности кои можат да ни изгледаат нереално.

Во продолжение седум животни со навистина необични способности и карактеристики:

Вид молци не јадат во текот на целиот живот

Молците од видот Actias luna немаат уста, ниту дигестивен систем. Ова значи дека тие не јадат во текот на целиот нивен живот.

Но, нивниот живот е многу краток – живеат околу една недела.

Сепак, додека се гасеници, имаат голем апетит и речиси постојано јадат.

Свињите се попаметни од 3-годишно дете

Свињите спаѓаат во едни од најинтелигентните животни.

Дури и ако самите ги набљудувате ќе забележите дека се љубопитни и интуитивни животни.

Свињите имаат и одлично сеќавање, можат да препознаваат многу звуци, како нивното име, па дури и да користат контролор за видеоигри.

Мајмуните покажуваат поголем интерес за филмови, отколку за ужинки

Во необично истражување објавено во Current Biology, истражувачите снимиле два кратки филма кои им ги пуштиле на група мајмуни.

Во филмовите, истражувачите ги имале главните улоги и биле преправени како мајмуни.

Тие забележале дека мајмуните толку многу биле заинтересирани за филмот, што некои од нив целосно ги игнорирале ужините што им ги давале.

Окото на нојот е поголемо од неговиот мозок

Ноевите се најголемите птици во светот и достигнуваат висина до 2,7 метри.

Распонот на нивните крилја може да достигне 2 метри, а нивната тежина – до 130 килограми.

Тие имаат и едни од најголемите очи – дијаметарот на нивнот око е пет сантиметри. Ова го прави нивното око поголемо од нивниот мозок.

Електричната јагула може да ги контролира своите жртви на далечина

Електричните јагули можат да генерираат електричен полнеж, а ова им овозможува да го контролираат нивниот плен.

Водата е добар спроводник на струја, па електричните јагули можат да ги активираат мускулите на нивниот плен оддалеку.

Постојат инсекти кои живеат најмногу 30 минути

Инсектите од видот Dоlania americana кои жива во САД се суштества со најкраток животен век што ни се познати досега.

Откако ќе се родат, тие веднаш бараат партнер за парење и умираат за околу 30 минути.

Женките ги положуваат јајцата во вода, и умираат пет минути подоцна.

Полжавите имаат заби

Иако не изгледа така, полжавите имаат заби.

Тие имаат флексибилна вилица на која имаат илјадници заби, но не се гледаат бидејќи се микроскопски.

Спирова С. | Црнобело