Најсмртоносните животни и инсекти за луѓето (дел има и во Македонија)

Што мислите, кој убива повеќе луѓе годишно – отровните змии или комарците?

За најсмртоносни животни и инсекти се сметаат оние кои, во просек, се одговорни за смртта на најголем број луѓе годишно.

Ова значи дека само затоа што некое животно е опасно за човекот, не значи дека е и многу смртоносно бидејќи бројот на смртни случаи е мал.

А, токму поради ова, ајкулите, кои за многумина се најстрашни суштества, не се наоѓаат ни во првите десет.

Во 2023-та, потврдени се 69 смртни случаи од напади од ајкули што во споредба со другите е многу мала бројка.

Па, кои се најсмртоносните суштества за човекот?

Нилски коњи

Во просек, нилските коњи убиваат околу 500 луѓе годишно.

Тие можат да бидат поопасни и од лавовите и тигрите, неретко бидејќи луѓето ги перципираат како мирни суштества кои не напаѓаат.

Но, нилските коњи се територијални животни кои можат да бидат многу агресивни, а има случаи во кои напаѓаат и чамци и бродови.

Тежат околу 1.500 килограми, имаат огромни заби и ако одлучат да нападнат, исходот најверојатно ќе биде смртоносен за човекот.

Слонови

Слоновите можат да бидат мошне нежни и кротки суштества, но не треба да заборавиме дека и тие се огромни цицачи.

Во последно време, една од главните причини за агресијата на слоновите е фактот што ние ги уништуваме нивните живеалишта.

Па, во потрага по храна, неретко тие упаѓаат во села и фарми каде што можат да направат стампедо и да убијат многу луѓе.

Исто како нилските коњи, годишно и тие предизвикуваат околу 500 смртни случаи.

Крокодили 

Постојат многу видови крокодили, но за најсмртоносен се смета видот Crocodylis porosus кој живее во солена вода и кој е одговорен за околу 1.000 смртни случаи годишно.

Крокодилите од овој вид неретко ги гледаат луѓето како плен, а и покрај големината (тежат и до 1.300 килограми), се движат мошне брзо, па е речиси невозможно да им избегате.

Човечки глисти

Човечките глисти (Ascaris genus) се паразити кои годишно убиваат околу 2.500 луѓе.

Се пренесуваат кога личноста ќе ги внесе нивните јајца во организмот, најчесто преку храна која е „загадена“ со човечки фекалии.

На најголем ризик се изложени луѓе кои живеат во тропски и суптропски земји.

Црвите се развиваат во цревото каде што се хранат и размножуваат.

Тие предизвикуваат болест која се карактеризира со симптоми како треска, болка во стомакот, отоци и отежнато дишење.

Притоа, можат да пораснат многу големи и да достигнат должина од 30-тина сантиметри.

Добрите вести се дека можете да се спасите ако се заразите со овој паразит, но претставуваат сериозен проблем на места со лоши хигиенски услови и недостиг од медицински помагала.

Продолжува на следната страница...