7 начини на кои треба да ја промените својата психа (за да станете поуспешни луѓе)

Наместо да прифаќате сè, почнете да поставувате прашања – наместо да го прифатите системот, почнете да размислувате како да го подобрите, прашувајте зошто работите се такви какви што се.

Успехот е нешто кое се гради преку начинот на кој размислуваме и со кој им пристапуваме на работите.

Со промена на начинот на кој размислуваме, го менуваме начинот на кој го гледаме светот и со тоа посоодветно делуваме, па поголема е и можноста за успех.

На кој начин треба да го промените вашиот начин на размислување за да бидете поуспешни и посреќни:

Гледајте на себе како на ученик, а не како на експерт – така ќе учите нови информации и вештини, а секогаш во глава имајте дека постои нешто кое можете да го научите од соговорникот.

Прифатете го „не“ како подарок, а не како неуспех – одбивањето не значи дека вратата ви е затворена, значи дека ви е затворена само привремено, дека ова е можност за ваш раст и развој, па повторен обид, значи само мотивација плус за да работите понапорно.

Наместо да прифаќате сè, почнете да поставувате прашања – наместо да го прифатите системот, почнете да размислувате како да го подобрите, прашувајте зошто работите се такви какви што се.

Не прашувајте за второ мислење, туку дури и за четврто – успехот се крие во споделувањето на идеите со некој кој има поголемо знаење или талент од вас, па со тоа се адаптирате на повисоки стандарди кои воопшто не си ги ни замислувавте за себе, кога барате мислење од повеќе од една личност се навикнувате да бидете коригирани и учите да го смирите егото.

Наместо да се трудите да сработите најмногу што можете, сработете го само тоа што никој друг не може – не трошете време на банални работи, туку тоа предадете го на некој друг, а вие фокусирајте се на најтешките работи и дајте си време смирено да работите на тоа.

Наместо да ги наградувате своите напори, наградете го својот резултат – вашите напори се вредни, но тие не се еднакви со постигнувањето резултати, па само затоа што работите долго време на нешто, тоа не значи дека тоа е добро, па мора да бидете фокусирани на крајниот резултат.

Наместо да мислите зошто не можете, фокусирајте се на зошто можете – успехот не е тоа што го имате пред вас, туку тоа што можете да го постигнете ако посакате и се потрудите, вашиот живот е рефлексија на вашите мисли.

С. С. | Црнобело