5 срамни моменти од животот на кралицата Елизабета кои сака да ги заборавиме

Моментот кога непознат маж успеал да се искачи до прозорецот од нејзината спална соба и да ја види во ноќница, скандалот со нејзиниот син, принцот Ендру кој е обвинет за силувања - во какви непријатни ситуации се нашла кралицата Елизабета, за кои сигурно сака јавноста да заборави?

Таа важи за строг владетел, ја почитува традицијата и правилата, има силна репутација и сака сите да се водат по нејзиниот пример, но неколкупати потфрли...

Во својот 95-годишен животен век таа се најде во неколку непријатни ситуации, за кои сигурно сака јавноста да заборави.

Кои се тие скандали и непријатни ситуации во кои кралицата се нашла во небрано?

Не плаќала данок

Беше обвинета за неплаќање данок и уплата на милионски суми на оф-шор компании на Бермуда, додека граѓаните спијат на улица.

Ја користела моќта за да ја „извади“ ќерката од проблеми

На почетокот на 2000-ите, нејзината ќерка, принцезата Ана доби казна од 500 фунти бидејќи нејзините кучиња нападнале две деца.

Луѓето тоа не го гледале како доволна казна и ја обвинија кралицата дека вмешала прсти за ќерка ѝ полесно да помине.

Пропуст во воспитувањето на едниот син

Принцот Ендру е нарекуван најскандалозен лик во кралското семејство.

Уште во минатото се стекна со лоша репутација кога медиумите објавија дека носи порно актерка дома, а најголем скандал беше поврзаноста помеѓу него и Џефри Епстајн.

Прочитајте повеќе: Обвинувања за силување, протерување од кралското семејство – Синот на кралицата Елизабета ги изгуби сите титули

Неуспешна во улогата на баба

Меган и Хари ја шокираа јавноста во 2021, кога во гостување кај Опра открија дека се соочувале со расистички навреди во кралската палата и ред други неправди.

Каде била кралицата да спроведе ред, а воедно и да застане на страната на внукот Хари и неговата сопруга Меган?

Прочитајте повеќе: Загриженост на семејството за бојата на кожата на бебето, тајна венчавка – Што сè открија Меган и Хари во шокантното интервју кај Опра?

Непознат маж ѝ влезе во спална

Иако Бакингемската палата е позната како место каде е невозможно да се влезе, сепак безбедноста не била најсилна, па летото во 1982-ра година, обезбедувањето направило превид и 32-годишен маж успеал во својата намера. 

Тој се качувал преку ѕид и цевки до спалната на кралицата каде прозорот бил отворен, а стана хит со интервјуа и изјави за тоа во каква ноќница била облечена владетелката и што правела.

М. М. | Црнобело