Мамли ги гонеше криминалците, а сите ја сакаа неговата заразна смеа – Се сеќавате ли на овој цртан лик?

Го помниме по неговата заразна смеа, начинот на кој ги надмудруваше криминалците, но и автомобилот што му се распаѓаше. Познатото куче детектив беше наш верен пријател со кого растевме. Се сеќавате ли на него?

Неговото име сè уште често го спомнуваме обично во контекст кога сакаме да кажеме дека некој сам се обидува да му се спротивстави на криминалот и на неправдите.

Инспектор Мамли беше симбол на детството на оние што растеа во 80-тите и во почетокот на 90-тите години.

Кучето со заразна смеа беше приватен детектив со портокалов мантил и на креативен начин се обидуваше да ги спречи криминалните дејствија, а остави огромен печат врз детството на голем број генерации.

Кај нас е познат како „Инспектор Мамли“, а во оригинал името на овој цртан филм бил The Mumbly Cartoon Show и е создаден во продукција на продуцентската куќа што стои и зад легендарните „Том и Џери“, Hanna-Barbera Productions.

Иако, кај нас беше доста популарен, во САД Мамли не оставил некој особен впечаток, па само по една сезона од 16 епизоди неговото снимање било прекинато.

Оригинално цртаниот филм се емитувал на програмата на ABC во периодот од 1976-та до 1977-ма година.

Поранешна Југославија е една од земјите каде овој цртан бил емитуван од 1985-та до 1986-та, а со Мамли имале можност да се запознаат и гледачите од Западна Германија, Франција и Полска.

На YouTube денес може да се најдат видеа од цртаниот филм на англиски јазик, но и на српски каде Мамли беше познат како „Инспектор Драгуљче“.  

Потсете се на заразната смеа на кучето детектив:

Б. С. Б. | Црнобело