Уметник создава неверојатни ремек-дела користејќи машина за куцање (фото)

Уметник и студент по архитектура со седиште во Велика Британија, Џејмс Кук ѝ даде сосема ново значење на фразата „слика вредна илјада зборови“ – со помош на неговата неверојатна вештина.

Тој „печати“ детални пејзажи и создава портрети користејќи ја единствено неговата машина за пишување.

Изминатата година Кук ја користел својата колекција на машини за пишување со цел да создаде илустрации - како што уметникот ги нарекува, за галеријата Вонски тркала во Финчингфилд, Англија.

Неговото творештво се одликува со бројни, „напишани“ дела кои ги прикажуваат архитектонските и историските знаменитости на неговата земја.

Кук бил инспириран да ја долови убавината на своите локални средини откако поминал месеци во округот Есекс за време на пандемијата со Ковид 19.

Во зависност од сложеноста на предметот, изработката обично трае од 15 до 30 часа.

 „Иако поголемиот дел од мојата работа е јасна според нејзината референтна рамка, употребата на перспектива и концептот на прикривање информации игра важна улога во тоа како цртежите се набудуваат од гледачот. Некои од моите понови дела содржат скриени, пишани пораки кои стануваат видливи само одблизу и со тоа додаваат друга димензија на цртежите“ – објаснува Кук.

Секоја илустрација е составена од илјадници индивидуални знаци.

Во продолжение за вас издвоивме низа негови ремек-дела кои со сигурност нема да ве остават рамнодушни:

Мила М. | Црнобело