7-годишно девојче со „мајсторска“ имитација на светски познатите дами е вистинска ѕвезда на Инстаграм
Секој од нас во одреден период од детството имал свој идол кому безусловно му се воодушевувал.
Самото тоа воодушевување подразбира желба за каква било блискост, а наједноставна е онаа преку физичкиот изглед, така што имитациите на познатите личности се неизбежна дамка на младоста.
Стефани Чаглар има само седум години, а на својот Инстаграм профил има над 350.000 следбеници.
Со помош на вештите раце на нејзината мајка, тие две мајсторски ги „копираат“ костимите на познатите ѕвезди, вклучувајќи ги Ријана, Меган Маркл, па дури и принцезата Евгенија.
Како што наведовме, нејзината мајка Алja е одговорна за воодушевувачки добро изработените модни стајлинзи.
При креирањето на облеката, таа користи разни импровизирани средства како хартија, фолија, па дури и кеси за ѓубре.
„Стефани навистина обожава да се облекува како славните личности. Кога ја објавив нејзината прва фотографија на мојот Инстаграм профил таа имаше само две години.
Ми се допадна фустанот на Ријана и креирав слична облека за ќерка ми. Гледајќи ја нејзината поза, се чувствував толку среќно што решив да направам уште неколку парчиња.
За Стефани е многу е важно нејзината облека навистина да личи на оригиналот. Сето ова за нас претставува една голема забавна игра“ - вели Алја.
Алја и Стефани живеат во турскиот град Анталија. Малата Стефани зборува три јазици: турски, англиски и руски - мајчиниот јазик на нејзината мајка.
Во продолжение повеќе фотки од извонредните имитации на малата Стефани:
Мила М. | Црнобело
Би можело да ве интересира:
Препорачуваме
Најчитани неделава
