Што се случува кога бремена жена ќе се породи во авион?

Иако за нив ретко и малку се објавува, сепак во светот има околу 60 бебиња кои се родени при патување со авион.

Луѓето родени при летање со авион се познати и како „луѓе родени во рајот,“  а тоа си има неколку бенефити и предности.

Што точно се случува кога некоја жена почнува да се пораѓа во авион и го раѓа детето додека авионот е во воздух?

1. Стјуардесите и целиот тим одлучуваат дали е неопходно непревидено слетување

Прво, тимот не е обучен и стручен за породување, па во моментот прво бараат стручно лице, доктор или медицинска сестра, доколку е присутен во авионот.

Ако нема медицински лица во авионот, тогаш стјуардесите се подготвуваат за принудно слетување.

Ако и тоа не е опција, им преостанува да го земат медицинскиот прибор и да се стават во улога на „бабици.“

2. Нема строго правило за државјанството на детето

На пример, зависно од земјата над која се раѓа, детето може да добие тамошно државјанство, но и не мора.

Ако некое бебе се роди додека авионот е над територијата на САД, тогаш државјанството е опција. Ова не важи доколку бебето се роди над територијата на Велика Британија.

3. Некои авионски компании даваат доживотно бесплатни летови

И ова не е правило, но досега се има случено повеќе бебиња да добијат доживотно бесплатни карти за превозот со Polar Airlines, AirAsia и Air Pacific Airlines.

Прочитајте повеќе за Приказната на еден Македонец, која малкумина ја знаат: Се родил во авион и добил доживотно бесплатни карти

4. Авионот може да биде именуван по детето

Во 2019-та еден лет на JetBlue авиокомпанијата се реализирал со еден патник плус. За време на летот било родено машко бебе, па авионот бил именуван како Born To Be Blue.

5. Здравјето на бебето може да е во ризик

Авионот не е најздравата опција за породување, прво поради воздушниот притисок кој на бебето може да му создаде пречки во земањето на првиот здив, а потоа поради недостатокот на соодветна апаратура.

Сепак, тимовите го даваат својот максимум секоја тазе мајка да се чувствува најбезбедно.

М. Д. | Црнобело