Жените можат сѐ, ако сакаат: „Јас сум и згодна девојка на плажа и посветен инженер на работа“

Од секси бикини издание до работно издание со униформа и шлем, од провокативна девојка на плажата до посветена инженерка - „Сакам да нагласам дека жените можат сѐ.“

Неодамна вирално почнаа да се споделува фотографија од Кендал Џенер во бикини и од Алиса Карсон во униформа, односно се прави споредба на модел и млад астронаут.

Коментарите одеа дотаму што тврдат дека многу жени се борат секој ден за да заземат историски машки доминантни позиции, а пак општеството ја наградува убавината, наместо вистинските вештини и интелект, односно естетиката на атрактивната Кендал, наместо посветеноста и вештините на Алиса.

Но, една девојка се огласи против ова во знак на револт и прикажа дека жена може да биде и убава и интелигентна и сѐ што ќе посака само ако има желба за тоа.

Кејтлин Саријан е жена која со спој на две фотографии од себе покажа дека жените можат сѐ.

Таа спои две фотографии од кои на едната е во црвено бикини, додека на другата во униформа на инженер на нејзиното работно место.

Нејзината моќна порака гласи:

„Сакам да нагласам дека жените можат сѐ. Ние сме НЕСОПИРЛИВИ. Ние можеме да бидеме инженери, доктори, научници, но и артисти, модели, поети, писатели. Секоја од нас е уникатна. Сите имаме различни страсти и цели во животот. Не слушајте ги тие стереотипи, бркајте ја својата страст и никогаш не се извинувајте за тоа што сте!“

С. С. | Црнобело