„Моја“ тврдоглава господарка – Значењето на името Миа

Историчарите сè уште расправаат за потеклото на името Миа. Едната теорија е дека името потекнува од Шведска и буквално се толкува како „тврдоглаво“.

Другата теорија е дека Миа е име со латинско, односно шпанско/италијанско потекло, а во преводот означува „моја“.

Уште една теорија го поврзува како кратенка од името Марија, што означува голема, господарка. Според еврејското потекло значи горчина, бунтовништво.

Факт е дека станува збор за исклучително популарно име во светски рамки, кое последниве десетина години честопати се среќава и кај нас поради тоа што е кусо, а сепак убаво име.

Миа е име кое симболизира девојка, односно жена со прилично сложен карактер. Таа е олицетворение на две спротивставени страни. Од една страна, Миа може да биде љубезна и приврзана, но од другата – тврдоглава и сурова.

Позитивните квалитети кај Миа се: оптимизам, добрина, упорност, внимателност, искреност и практичност. Ова секако не се сите позитивни квалитети кои го отсликуваат карактерот на оваа кревка и софистицирана девојка.

Оние кои го носат името Миа се доста експресивни и имаат карактеристични и по малку необични црти на лицето. Привлекуваат емоции на восхит и радост од страна на блиските луѓе, но и оние коишто ги запознаваат за првпат.

Дали и вие имате Миа во животот? Означете ја во коментар и потсетете ја колку многу ја сакате.

(О)Милена | Црнобело