Маж и жена прославија што по 34 години брак и 4 деца конечно се сами дома

Кога и последното дете им се отселило од дома, тие одлучиле дека е време за славење на новата слобода.

Хуан и Далиа Лопез по 34 години брак и 4 деца, слават што се сами дома. Нивното најмладо дете стапило во брак во август годинава и последно се отселило од дома.

По тој повод во нивниот дом во Тексас си направиле фотосесија на тема „празно гнездо“ со која го одбележуваат новото поглавје од својот живот.

Нивната забавна фотосесија го слави фактот што конечно ќе имаат време комплетно да се посветат еден на друг.

На една од фотографиите држат балон со бројот „0“ и на шега симболизираат дека очекуваат 0 деца.

Нивните деца живеат на 2 до 8 часа оддалеченост со автомобил, а од нив имаат 7 внучиња. Велат дека ќе ги посетуваат често, но среќни се што домот сега ќе го имаат само за себе, а нивните деца водат независни и продуктивни животи.

„Нашата куќа ќе нѐ претставува нас сега. Си ја обожаваме оваа нова слобода“, изјавија тие.

Нивната забавна фотосесија:

С. С. | Црнобело