Нежна, софистицирана и мирислива како јасмин – кое е значењето на името Јасмина?

Јасмина е женската варијанта на името Јасмин. Името е со персиско потекло (يسمين) односно потекнува од зборот „Јасаман“, име на бел мирислив украсен цвет.

Самиот збор симболизира „љубовна емоција“. Името се пренесувало од Персија преку Шпанија во Европа и датира од неодамнешните времиња кога станало вообичаено да се даваат имиња според убави цветови (Роза, Мимоза, Ирис…), обичај којшто се развил и на нашите простори.

Кога родителите избираат име кое симболизира одреден цвет, носителите на овие имиња како во случајот Јасмина симболизираат нешто убаво, нежно, слатко, прекрасно и софистицирано.

Името е присутно и популарно во различни варијанти кај речиси сите европски нации.

Во Англија и Германија, Јасмин е многу често женско име. Имињата Јаско, Јасминка, Јасминко, Минеса, Минка се најчестите варијации од ова прекрасно име во нашето поднебје.

Дали и вие имате некоја нежна и убава Јасмина која ви носи радост во животот?

(О)Милена | Црнобело