12 неверојатни деца кои имаат срушено светски рекорди

Дали некогаш сте помислиле да потрошите часови учејќи и вежбајќи нешто за да срушите некој рекорд? Овие деца го направиле токму тоа.

Иако во Гинисовата книга на рекорди најчесто гледаме возрасни личности, децата на оваа листа поминале месеци, па дури и години подготвувајќи се да влезат во историјата.

Монтана Кени

Монтана е најмладата девојка што се има искачено на Килиманџаро. За време на подвигот, таа имала само 7 години.

Монтана ја замолила мајка си да ја искачат највисоката планина во Африка, само за да бидат поблиску до нејзиниот татко.

Во 2018-та година, после неколку месеци тренирање, Монтана и мајка ѝ го освоиле врвот за 6 и пол дена.

Ниланши Пател

Ниланши е 16-годишна девојка од Индија и е тинејџерката со најдолга коса. Кога имала 6 години, Ниланши имала лошо искуство на фризер и оттогаш ја нема скратено својата коса.

Кога го срушила рекордот, нејзината коса била долга 170,5 центиметри.

Рајан

Рајан е познат по неговиот канал на YouTube, Ryan ToysReview на кој објавува рецензии за играчки.

Моментално каналот на Рајан е најгледаниот канал на личност родена после 2000-та година. Рекордот го соборил во 2017-та година, кога имал само 6 години. Денес неговите видеа се прегледани над 12 милијарди пати.

Учениците од средното Padua Franciscan во Охајо

Учениците од училиштето во Охајо играле кикбол дури 51 час, со што поставиле нов рекорд.

Натпреварот бил организиран со цел да се соберат средства за деца со рак и биле собрани над 10.000 долари.

Мату-Ендру Баџ

Баџ го држи рекордот за тинејџер со најголеми дланки. Тој е висок 208 центиметри, па не е ни чудно што има големи дланки и стапала.

Неговата десна дланка е долга 22,4 центиметри, а левата 22,1 центиметар.

Ларс Моца

Ларс пак, е тинејџерот со најголемите стапала во светот. Неговото лево стапало е долго 35 центиметри, а десното 34,9 центиметри.

Тој носи чевли со број 57!

Продолжува на следната страница...