Починал откако се сопнал од сопствената брада и уште 4 бизарни смртни случаи

Смртта е нешто што ќе ни се случи на сите порано или подоцна, но кога веќе треба да заминеме од овој свет, би сакале тоа да биде достоинствено. Постојат евидентирани случаи за луѓе кои починале на најразлични натпревари, при посети на забавни паркови, па дури и откако добиле лотарија.

Има милиони начини да се умре, а следниве се прилично бизарни (и вистински).

Млад човек починал откако скокнал во езеро преполно со пирани

Инцидентот се случил во Боливија во 2011 година - 18 годишно момче под дејство на алкохол решило да скокне од својот чамец во езерото преполно со пирани.

Нападот од овие смртоносни риби бил неизбежен, и момчето искрварило до смрт. При истрагата се открило дека причината за скокот можеби бил обид за самоубиство, бидејќи момчето било познат рибар во регионот.

Маж починал откако се сопнал од сопствената брада

Ханс Штајнингер бил познат во 16-тиот век по тоа што ја имал една од најдолгите бради на светот - таа била долга речиси метар и половина, но за негова несреќа, истата таа брада ја предизвикала неговата смрт.

Штајнингер имал навика да ја носи брадата собрана за да не му пречи додека се движи, но еден ден едноставно заборавил, а за работите да станат уште побизарни, избувнал пожар. Обидувајќи се да избега, тој се сопнал од брадата и при падот го скршил вратот по што веднаш починал.

Невеста се удавила за време на свадбената фотосесија

Ваквите настани се тажни, особено поради фактот што свадбата се смета за ново поглавје во животот, и сигурно не е вистинскиот момент да се умре. 30-годишна девојка позирала за својата свадбена фотосесија, но неколку недели откако се омажила, бидејќи решила дека сака повеќе свадбени фотографии.

Додека стоела на карпа и ја фотографирале, фустанот почнал да се мокри и за кратко толку натежнал што ја повлекол невестата во водата. Фотографот се обидел да ја спаси, но фустанот бил претежок и невестата се удавила.

Жена починала откако ја закопале жива

Можеби не звучи толку неверојатно, но откако една жена во Русија по грешка била прогласена за мртва од докторите, одненадеж се освестила. Откако сфатила дека е во ковчег и семејството веќе ја закопува, почнала да вреска за спас.

За жал, ситуацијата предизвикала таа да западне во состојба на шок, по што следел и срцев удар.

Маж починал откако крава паднала врз него додека спиел

Ни во најлудите соништа не би претпоставиле дека човек може да замине на ваков начин, но очигледно дека се случило и ова. Човекот спиел во својата спална кога крава пропаднала низ неговиот кров и слетала директно врз него.

Се верува дека кравата успеала да се качи на кровот бидејќи тој завршувал веднаш до стрмен рид, но не ја издржал нејзината тежина. Сопругата на несреќникот успеала да се извлече со мали повреди, но тој починал на лице место.

А.Ш. | Црнобело