Зошто сме зависни од купување на непотребни работи?

Сите го знаеме тоа чувство на адреналин и возбуда кога сакаме да купиме нешто. За некои луѓе знаците на кои пишува 50% попуст, само денес, и слично, не се разликуваат многу од активирањето на другите видови на зависност.

Чувството кога ќе купиме нешто ново не се разликува многу од зависноста од алкохол, дрога или дури и храна, велат терапевтите. Кога купуваме нешто најчесто тоа го правиме без многу размислување, доколку цената е атрактивна.

Овие видови на емоционални одлуки се донесуваат несвесно.

Во моментот кога купуваме нешто ние се чувствуваме добро и позитивно. Но, зошто?

Возбудата што ја носи ловот

Влегување во нашата омилена продавница или пријавувањето на нашата омилена интернет продавница е катализатор.

Експертите велат дека оваа акција сама по себе му кажува на нашето тело дека треба да почне да произведува повисока доза на допамин, невротрансмитер во мозокот што нè прави среќни, а шопингот го гледаме како награда.

Купувањето е како лов на богатство, при што самата потрага нè мотивира.

Повеќето од нас размислуваат помалку од една секунда дали да купат нешто или не. Постои емоционална приврзаност кон одреден производ која се јавува од нашите претходни искуства со одредени брендови - што е тајната на ефективниот маркетинг.

Борба против внатрешните импулси

За време на намалувањето на цените автономниот разузнавачки систем на нашето тело рефлективно ја презема контролата врз некои органи, што доведува до интензивна реакција во телото.

Стравот дека ќе ја пропуштиме можноста да купиме нешто, во нас буди натпреварувачки дух, поради кој тешко можеме да ги контролираме импулсите. Во превод, купуваме нешто само за да не го купи истото некој пред нас.

Безбедноста не е во бројките

Дали мислите дека пријателите ќе ви ја олеснат зависноста од купувањето? Напротив, кога сме окружени со пријателите сакаме да купуваме уште повеќе.

Присуството на пријателите, другите продавачи во продавницата или читањето на онлајн коментари ни го олеснува купувањето, дури и кога сме неодлучни.

Ашера | Црнобело