6 работи кои ќе ве разбудат и ќе ви дадат енергија наутро, освен кафе

Кога наутро не се чувствуваме доволно наспани и ни треба повеќе енергија, инстинктивно посегнуваме по кафе.

Но, ако сакате да го намалите внесот на кофеин или пак целосно да го исклучите, постојат и други алтернативи како да се будите полесно и да ја обновите енергијата.

Слушајте ја омилената музика

Вашите омилени песни допираат до делови од мозокот кои се одговорни за себе-мотивирање. Со тоа, ќе бидете порасположени и поенергизирани.

Музиката која ја сакате создава чувство на возбуда и удобност и стимулира лачење на ендорфин. За подобра концентрација, преслушајте ја вашата омилена класична композиција.

Пијте многу вода

На човечкиот организам му се потребни течности за правилно да функционира, а пред сè потребна му е вода. Секогаш имајте вода во близина, ако треба симнете и апликација која ќе ве потсетува да пиете.

Така ќе спречите и најмала дехидрација, што дополнително ви ја одзема енергијата.

Излезете на свеж воздух

Кога ќе се разбудите наутро, наместо да останете уште пет минути во кревет, излезете на терасата или во дворот и вдишете го утринскиот воздух. Кислородот веднаш ќе го разбуди вашето тело.

Дишете длабоко

Веќе одамна е познато дека правилното длабоко дишење ги намалува стресот и анксиозноста. Со ваквиот начин на дишење, го покренувате вашето тело во работна состојба и се чувствувате полни со енергија.

На пат кон работа/факултет/училиште земете гума за џвакање

Гумите за џвакање ја држат вилицата активна, а со тоа и малку по малку, целото тело се буди и ви помага да останете фокусирани на денот пред вас.

Оддалечете се од екранот

Ако седите преблиску до екранот, обидете се да се оддалечите најмногу што можете. Близината многу ги изморува очите и добивате впечаток дека ви се спие.

Е. Д. | Црнобело