12 ирационални мисли кои создаваат емоционални проблеми

Луѓето сме создадени и „програмирани“ така што со своите мисли си правиме поголеми проблеми од оние кои реално ги имаме.

Обидете се да ги препознаете оние мисли кои се деструктивни за вас, а потоа обидете се да се изборите против нив. Секогаш кога сте вознемирени, пронајдете го коренот на проблемот и научете како да го отстраните.

Еве кои се тие мисли кои за жал, се присутни во вашата глава, но не се воопшто корисни за вас:

1. Ако сакаме да вредиме, важно е и другите да нè сакаат и ценат.

2. Ако не сме исклучително добри во нешто и не успеваме да постигнеме она што го сакаме, тогаш вредиме помалку од другите.

3. Сосема е во ред да ги обвините и казните оние кои се лоши и злобни кон вас.

4. Навистина е неподносливо чувството кога нештата не одат како што сме ги замислиле.

5. Човечката несреќа ја предизвикуваат надворешни фактори и самите не можеме да влијаеме да бидеме посреќни.

6. Ако нешто е или може да биде опасно, мораме постојано да се плашиме и да внимаваме тоа да не се појави во нашиот живот.

7. Полесно е да се избегнат некои предизвици и потешкотии, наместо да се соочиме со нив.

8. Разумно е да зависиме од оние кои се посилни од нас и да се потпираме на нив.

9. Нашето минато е најважниот креатор на сегашноста. Ако нешто во минатото влијаело на сегашното однесување, тогаш засекогаш ќе биде така.

10. Потребно е да нè загрижуваат тешките судбини на другите, за да покажеме емпатија.

11. Секогаш постои вистинско решение, па не треба ништо да се презема околу некој проблем, додека не дојдеме до него.

12. Знаењето на некој авторитет сигурно е точно и не треба да го преиспитуваме.

Овие мисли и нивните варијации предизвикуваат да се наполниме со лоши емоции и негативни ставови кон животот. Ако сакате да сте силна и стабилна личност, треба да се запрашате околу логиката на вашите мисли.

Избегнувајте да се сожалувате, но и да се обвинувате себе за некои нешта кои не зависеле од вас. Исто така, треба да престанете да сожалувате други луѓе повеќе отколку што е нормално. Борете се со чувствата на лутина и страв.

Препознајте ги овие ирационални мисли кога ве напаѓаат и спречете да влијаат на вашите размислувања, проценки и постапки.

Е. Д. | Црнобело