Малку повеќе за рефлексите - зошто трепкаме при изненаден звук и при силно светло?

Дали некогаш сте забележале дека освен при промена на осветленоста во просторијата каде се наоѓате, трепнувате и кога ќе чуете изненаден силен звук?

Овој рефлекс не можеме да го контролираме, што значи дека потекнува од некаков заштитнички инстинкт. Но, според науката, токму тој рефлекс е еден од клучните поради кои сме преживеале како вид до денес.

Трепнувањето како последица на звук се случува многу брзо и свесниот дел од нас нема време да размисли зошто тоа се случува. Но, објаснувањето лежи во далечното минато, кога таквиот гласен изненаден звук значел потенцијален напад, односно дека нешто во близина на човекот паѓа и може да му предизвика повреда на очите.

Нашите далечни предци со рефлексното трепкање при звук, всушност ги штителе своите очи од повреди, знаејќи дека слепи, не можат да се заштитат ниту себе, ниту блиските.

Но, рефлексот на затворање на очите при светлина има малку поинаков механизам. Ова се случува свесно, а со тоа и трепнувањето кога ќе вклучиме светло во собата е и многу побавно отколку при звукот.

Исто така, потекнува од церебралниот кортекс, што значи дека однапред знаеме дека треба да замижиме, за да им дадеме доволно време на своите очи да се прилагодат на новонастанатата ситуација.

Она што е интересно за ваквите очни рефлекси е дека се исти и кај луѓето и кај животните, односно кај сите копнени цицачи.

Е. Д. | Црнобело