Која е вистината позади фотките од приватни летови на богатите деца од Инстаграм?

Кога комплексите ќе ви го надвладеат разумот - богатите деца ги преминаа сите граници.

И додека вам ви е во ред да си направите селфи пред огледалото во вашата соба или во кафуле со пријателите, богатите деца од Инстаграм мака мачат како нивниот живот да го претстават поблескав од тоа што веќе е.

Неретко на нивните Инстаграм профили покрај шампањи, јавање коњи, луксузни модни додатоци, осамнуваат фотки и од приватни летови. Тие претставуваат дека имаат свој приватен авион и патуваат со него низ светот.

Ова е реалност за дел број од нив, но  другите користат трикови и измама за да се покажат во побогато издание од што реално се.

Во Русија постои компанија Private Jet Studio која им нуди шанса да влезат во приземјен авион и да си направат неколку фотки. За позирањето компанијата обезбедува дури и професионален фотограф ако сакате раскошна фотосесија од 2 часа.

Компанијата, чие седиште е во Москва, исто така нуди и професионален стилист за комплетен ефект.

Луксузниот ентериер на авионот е неверојатен, а богатите деца имаат фотки за паметење. Паметен бизнис и искомплексирана младина, интересна комбинација, зарем не?

С. С. | Црнобело