8 докази дека нашето тело е совршена машина
Често сме незадоволни од сопствените тела, но тогаш само забораваме за што сè сме способни.
Неколку прекрасни „дарби“ кои ги има човечкото тело и заради кое е исто како машина, па дури и подобро од неа:
1. Луѓето се најиздржливите тркачи на планетата
Човекот не може да се споредува со гепардот во брзина на трчање, но затоа пак, може најдолго да издржи да трча без прекин, додека не се премори.
Кај луѓето, долгите екстремитети се тие кои ни овозможуваат да издржиме долготраен стрес на мускулите и заради флексибилното торзо да држиме баланс.
Плус, заради тоа што немаме крзно, полесно можеме да се ослободуваме од зголемената температура и да дишеме длабоко.
Човекот може да истрча и до 560 километри без прекин, а доказ за тоа е Дин Карназес кој е уште познат како човекот кој може да трча бесконечно.
2. Црниот дроб на човекот може да се регенерира како опашот на гуштерите
Многу човечки органи можат да се регенерираат како кожата и коските, па дури и нервните клетки, но најимпресивна способност има црниот дроб.
Тој може да се регенерира и до 75% од оригиналната големина.
3. Човекот има посилен гриз од горилата
Истражување направено од автралијански научници открива дека иако човекот има далеку послаба вилица, има 40 до 50% поефикасен гриз од оној на горилата.
4. На суперкомпјутерите им требаат до 40 минути да симулираат 1 секунда мозочна активност
Јапонските научници решиле да го тестираат еден од најмоќните компјутери, суперкомпјутерот „К“ и да пробаат да ја симулираат мозочната активност на човекот. Со 1.4 милиони гигабајти рам, на компјутерот му требале 40 минути за да анализира информации исто како човековиот мозок.
5. Човековиот мозок има исто толку нервни клетки колку што има ѕвезди во Млечниот пат
Не е ни чудно што човековиот мозок е едед од најмистериозните органи. Сочинет е од 100 милијарди неврони, исто толку колку што има ѕвезди во нашата галаксија - Млечниот пат.
6. Големината на човечката меморија е иста колку на 30.000 iPhone телефони
Научниците откриле дека човечката меморија може да сочува 1 милион гигабајти информации, а тоа е еднакво на 31.250 iPhone телефони со 32 GB меморија.
7. Човечките мускули се посилни отколку што мислиме
Не секогаш имаме потреба, но кога човекот е во опасност, заради лачењето на адреналинот и норадреналинот во крвта може да развие на еден начин дури и супермоќи гледано во поглед на силата на мускулите.
8. Човекот зрачи светлина
Јапонските научници со ултра сензитивни камери успеале да ја снимат светлината која ја емитира. Таа не може да се види со човечкото око, но може со овие специјални камери. Инаку, најмногу свети околу 4 часот.
Би можело да ве интересира:
Препорачуваме
Најчитани неделава
