Само за жени: Шик клуб во кој им е забранет влез на мажите

Интелектуалките и деловните жени добија ново збиралиште на Менхетен, каде може да уживаат во чаша розе вино и разговор со други успешни дами, без присуство на мажите.

Ексклузивниот женски клуб „The Wing“ е вистински хит во Њујорк, а листата на чекање за членство веќе е предолга, бидејќи не секој може да добие одобрение за да пристапи во него.

Во оваа гламурозна оаза владеат сивата и розовата боја, како и нежно истакнатите ментол и беж нијанси, а жените тука може да работат, да јадат и пијат, или едноставно да се релаксираат со услугите на вештите фризери, шминкери и козметичари.

„The Wing“ е изграден на вредностите на женските клубови од почетокот на 20-иот век, а се води од идејата дека жените заслужуваат место на кое ќе можат да ги обединат своите интереси и страсти, а и да се одморат од сè.

Во отворениот простор се наоѓаат маси за работа на компјутер, удобни софи, ресторан, бањи со бројни функции, бар и уште многу интересни катчиња. Едно од нив е и библиотеката во која има исклучиво книги од женски автори.

„The Wing“ е трон надвор од вашиот дом, порачуваат организаторките на официјалната страница на клубот, чија месечна членарина изнесува 215 долари.

Му треба ли нешто вакво и на Скопје?

 М. А. | Црнобело