Фотограф ја слика флуоресцентноста на цвеќињата

Наизглед нема ништо посебно во изборот на предметите што овој фотограф ги избира. Тој всушност собира цвеќиња од неговото соседство во Јужна Калифорнија и ги носи дома каде што ги подготвува за фотосесија. 

Откако ќе го прилагоди светлото, тогаш цвеќињата почнуваат да ја покажуваат својата моќ и уникатност и да наликуваат на нешто што доаѓа од друга планета.

За да ја долови флуоресцентноста што ја емитираат цвеќињата, овој фотограф ги става истите под ултра-виолетово светло и на тој начин прави фотографиите да изгледаат речиси магично.

Не, овие фотографии не се нацртани и не се направени со посебни ефекти, иако е тешко да се верува во тоа. Тие само покажуваат дека за една фотографија да изгледа толку реално и магично истовремено, најважна е техниката на сликање.

Ако сакате самите да направите цвеќиња што светат во темно, само ставете ги свежо искинатите цветови во ваза со вода и пиранин, флуоресцентното соединение што го има во маркерите.

Цвеќињата имаат способност да ја апсорбираат оваа состојка, исто како што ја апсорбираат водата. Одличен начин да направите уникатен букет цвеќиња.

А. В. | Црнобело