7 работи што треба да ги направите пред да заминете на одмор
Кренатите ролетни во кујната и тоалетот оставаат впечаток дека сте дома, па помала е веројатноста крадец да се обиде да влезе во домот.
Летната сезона е во полн ек, температурите се неподносливи, па сите заминуваат некаде покрај вода.
Освен што неколкупати ќе проверите дали шпоретот и пеглата ви се исклучени од штекер, постојат уште неколку работи кои треба да ги направите дома, пред да заминете на пат.
Дел од нив во продолжение:
Исчистете го домот
Чистењето не му е приоритет на никој пред патување бидејќи и онака сакаме да се одмориме од секојдневните обврски, но враќањето од одмор ќе биде многу поубаво ако ве пречека чист дом.
Извадете ги од фрижидер сите намирници на кои им истекува рокот на употреба, но и оние кои се изедени до половина.
Исперете ја валканата облека и фрлете го ѓубрето за да не се вратите во дом со непријатен мирис.
Платете ги сметките
На одмор со сигурност ќе потрошите повеќе отколку што сте планирале, па затоа е паметно да ги платите режиските трошоци навреме, особено ако тоа не сте го направиле претходниот месец.
Известете некоја блиска личност дека патувате
Пред да заминете на одмор, добро би било да информирате некоја доверлива личност дека ќе ве нема некое време.
Доколку патувате подолго време, пожелно е некој одвреме-навреме да го посетува вашиот дом, за да се избегнат несакани ситуации.
Скријте ги вредните предмети
Разбојниците се најактивни на лето, кога луѓето не се дома.
Најдобро е додека не сте дома, вредните предмети да ги ставите на места до кои не можат да стигнат.
Не ги спуштајте сите ролетни
Спуштените ролетни се првиот знак дека нема никој дома.
Експертите препорачуваат ролетните на прозорците кои гледаат кон телевизор, компјутер или некој друг уред да ги оставите спуштени, додека ролетните на прозорците кои гледаат кон кујната или бањата да бидат кренати.
Така се создава илузија дека има некој дома.
Исклучете ги електричните уреди
Телевизорот, компјутерот, машината за садови и шпоретот исклучете ги од штекер и така ќе бидете мирни дека нема да дојде до несакани ситуации.
Домашните миленици оставете ги во добри раце
Понекогаш не можеме да ги носиме домашните миленици со нас на одмор.
Во тој случај мора да пронајдете личност која добро ќе се грижи за нив, додека ве нема.
Во никој случај не го оставајте миленичето затворено во домот и само неколку дена.
С. Ш. | Црнобело / фото: freepik.com
Би можело да ве интересира:
![](https://www.crnobelo.com/media/com_jvrelatives/images/thumbs/com_content_104529_400.jpg)
![](https://www.crnobelo.com/media/com_jvrelatives/images/thumbs/com_content_110110_400.jpg)
![](https://www.crnobelo.com/media/com_jvrelatives/images/thumbs/com_content_104641_400.jpg)
![](https://www.crnobelo.com/media/com_jvrelatives/images/thumbs/com_content_104037_400.jpg)
![](https://www.crnobelo.com/media/com_jvrelatives/images/thumbs/com_content_109174_400.jpg)
![](https://www.crnobelo.com/media/com_jvrelatives/images/thumbs/com_content_104512_400.jpg)