35 часа фудбал без престан?

Ова е најдолгиот фудбалски натпревар кој започна на 5 мај, заврши на 8 мај со резултат од 333:293. Сите фудбалери на тимовите Cambray и Cotswold...

 

... All Stars се победници, бидејќи во Англија успеаа да одиграат маратонски натпревар кој траел цели 35 часа.

Играчите го срушија досегашниот рекорд во Гинис за најдолг меч кој траел 33 часа, а силниот дожд ги спречи 36-те играчи да одиграат натпревар од 40 часа, пишува Дејли Меил.

Натпреварот има хуманитарен карактер, а собрани се околу 35.000 евра наменети за помош на сиромашни деца во Индија. Сепак, не е се' толку едноставно и лесно. Упорните спортисти признаа дека пред крајот на мечот, веќе започнале со одбројување на минутите.

Еден од играчите на овој маратонски натпревар, изјавил дека уморот бил негов најголем проблем, иако доста време поминале во подготовки за овој подвиг. Многу фудбалери го напуштија овој меч со повреди настанти поради преголемиот умор.