Метода со која ќе научите сè што сакате за само 20 часа

Без оглед на тоа колку многу сакаме да развиеме некоја нова вештина, секогаш ни недостасува време во денот  и месецот за да ја научиме.

Но, од овој момент работите може да се променат со една лесна метода.

Таа ќе ви помогне фразата „немам доволно време“ да ја замените со „почнувам од денес“.

За 20 часа може да научите апсолутно сè.

Како?

Ви требаат само 45 минути дневно, во рок од 1 месец. Но, мора да бидете насочени и ефективни.

Тоа ќе го постигнете во 4 фундаментални чекори:

Анализирајте и откријте што навистина значи да ја научите таа вештина. Од колку подвештини е составена. Еднаш кога ќе ја расклопите, многу полесно ќе идентификувате што е најважно. Потоа, ќе почнете да го учите најважното.

Ова значително ќе ви го олесни процесот. Одберете дали ќе ја учите новата вештина преку книги, магазини, веб страни или видео и аудио материјал.

Ослободете се од она што нема врска со вашата работа и насоченост, односно од телевизијата, социјалните мрежи и мобилниот. Барем 45 минути можете да издржите без нив.

Тоа што нешто знаеме некомплетно нè тера да се чувствуваме бескорисно и глупаво. За да ја надминете оваа пречка и бариера, повторувајте го она што сте го почнале барем 20 часа.

„Најголемата бариера за да научиш нешто не е интелектуална... туку емоционална,“ вели Кауфман, авторот на оваа техника.

„Се плашиме дека нема да успееме, се плашиме да не се посрамотиме. Да се чувствуваш глупав не е забавно.“

За да го надминете тоа ви треба инвестиција од 20 часа, докажано.

М. Д. | Црнобело